Waxaa safarkiisii ugu horeeyaya intii uu xilkan ku magacaaban yahay gaaray wakiilka gaaarka ah ee Madaxwaynaha turkiga Rajab dayib Erdogan maalin kahor ayuu ku gaaray Somaliland.

Dr. Olgan Beker ayaa 7 dii bishaan tagay Magaalada hargaysa asiga opo la kulmay qaar ka mid madaxda mucaaaradka Somaliland, maadaaama ay tahay shaqadiisa dib uheshiisiinta somaliland iyo Soomaaliya.

Hoggaamiyaha xisbiga Wadani Dr Xirsi Cali Xaaji Xasan oo bartiisa Facebook faallo kooban kaga bixiyey kulankan ayaa sheegay in dunidu ay ol’ole ugu jirto in Somaliland ay doorashooyin qabsato iyo in dib loo bilaabo wada hadallada Somaliland iyo Soomaaliya oo uu sheegay in dawladda Turkigu ay u diyaar tahay in ay mar labaad isa soo horfadhiisiiso labada dawladood ee Somaliland iyo Soomaaliya.

Mudane Xirsi wada hadallada labada dhinac waxa uu ku tilmaamay albaabka ay Somaliland u marayso madax bannaanideeda, iyo sidii ay uga mid noqon lahayd dawladaha dunida.

xogo dheeraad ah oo uu Geeska Afrika helay kulankan ayaa sheegaya in ergeyga Turkiga u qaabilsan wada hadalladu uu masuuliyiinta WADDANI u sheegay in hawsha dib u bilowga wada hadalladu ay meel fiican marayso.

Danjire Olgan Beker waxa uu masuuliyiinta Wadani ku wargeliyey in dawladdiisu ay dadaal weyn u gashay sidii ay taageero caalamiya ugu heli lahayd wada hadalladan, si guul fiican looga gaadho.

Waxa aanu rajo fiican ka muujiyey kulamo isla arrintan la xidhiidha oo uu maalmihii u dambeeyey magaalada Muqdisho kula qaatay masuuliyiinta dawladda Soomaaliya, kuwaas oo uu sheegay in ay niyadwanaag u hayaan diyaarna u yihiin dib u bilaabista wada hadallada.

Gudoomye Cabdiraxmaaan cabdilaahi CIRO ayaa u sheegay in uu soo dhoweynayo dadaallada wada hadallada Somaliland iyo Soomaaliya ee ay dawladda Turkigu waddo, diyaarna u yahay in uu kaalintiisa ka qaato.

Ergeyga wada hadallada Somaliland iyo Soomaaliya Dr. Beker ayaa lagu wadaa in uu maalinnimada Sabtida ee 9 ka feeberweri kulan arrintan la xidhiidha la yeesho madaxweyne Muuse Biixi Cabdi.