War Cusub Uganda Oo Canshuur yaab leh Ku soo rogtay Kalaamka Alle

Dowlada Uganda ayaa amar ku siiyay hoggaamiyeyaasha diimaha inay bixiyaan canshuur marka la kala iibsanayo kitaabka Quraanka iyo kan aybalka Masiixiyiinta, sida ku xusan warbixin uu qoray wargayska Daily Monitor.

Madaxda Canshuuraha Uganda Doris Akol ayaa sheegtay bishii Abriil inaysan habbonayn in marka horeba aan canshuur laga qaadin kitaabaha lagala iibsanayo.

Arrintani ayaa imaanaysa billooyin un ka dib markii waaxda canshuuraha iyo hoggaamiyeyaasha diimaha dalkaasi ay ka wadahadleen Arintaan Soo Cusboonaatay.

Xoghayaha guud ee ururka imaamyada iyo muwaacidiinta, Ramadhan Mugalu ayaa u sheegay wargayska Daily Monitor in dowladda ay gaartay meel aanan laga filaynin. ” sidee u canshuuri karta hadalka Eebbe” ayuu yiri

Sidoo kale go’aankaasi ka hor yimid oo aan ku faraxsanayn Joshua Kitakule oo ah xoghayaha guud ee golaha diimaha dalkaasi, waxa uuna sheegay in kutubta aan loogu talo gelin in faa’iido laga sameeyo, balse ay khalad tahay in la canshuuro.

Masuuliyiinta diimaha dalka Uganda waxay sheegayaan in qiimaha lagu kala iibsado kitaabka Baybalka Masiixiyiinta uu sare ka kacay.

Leave a Reply

Your email address will not be published.